پچھل راتی جاگنا نامُ دان اسنانُ درڑائے۔

ਪਿਛਲ ਰਾਤੀ ਜਾਗਣਾ ਨਾਮੁ ਦਾਨ ਇਸਨਾਨੁ ਦ੍ਰਿੜਾਏ।

واراں بھائی گرداس سٹیک، گیانی ہزارا سنگھ اتے بھائی ساہب بھائی ویر سنگھ: ۱. پہر رات رہندی جاگنا کرے، نام، دان، اشنان دا ابھیاس کرے۔ پچھل راتی = پہر رات رہی۔ (1911)

واراں بھائی گرداس جی سٹیک، گیانی ہربنس سنگھ: ۱. سکھّ امرت ویلے جاگے؛ نہیں، پر سارے سواد نام، دانا تے اشنان نوں درڑھ کرے (بھاو ابھیاس کرے)۔ (2004)

واراں بھائی گرداس جی سٹیک، گیانی منی سنگھ: ارتھ: پر: بھائی ساہب جیؤ! جدوں بھی کوئی منکھّ سکھی دی سہیہ لسٹ وچ داخل ہو جائے، کی دسن دی کرپا کروگے کِ اس سکھّ دی کرت گرمت انوسار کویں ہے؟ ء: ہے بھائیؤ! مینوں تاں گربانی انوسار سکھّ دی ہر روز دی کرم کرت اؤں ہی پڑھن وچ آئی ہے، جویں کِ فرمان ہے کِ: امرت ویلا سچُ ناؤ وڈیائی ویچارُ ۔۔ (جپجی، پنا ۲)۔ نونُ سُ اکھرُ کھونُ گنُ جہبا منیا منتُ ۔۔ ئے ترے بھینے ویس کرِ تاں وسِ آوی کنتُ ۔۔۱۲۷۔۔ متِ ہودی ہوئ اانا ۔۔ تان ہودے ہوئ نتانا ۔۔ (پنا ۱۳۸۴)۔ سیو کیتی سنتوکھیئیں جنی سچو سچُ دھیایا ۔۔ اونی مندے پیرُ ن رکھیو کرِ سکرتُ دھرمُ کمایا ۔۔ اونی دنیا توڑے بندھنا انُ پانی تھوڑا خایا ۔۔ (پؤڑی، پنا ۴۶۶)۔ گھالِ کھائ کچھُ ہتھہُ دیئ ۔۔ نانک راہُ پچھانہِ سیئ ۔۔۱۔۔ (سلوک م: 1، پنا ۱۲۴۵)۔ گرمکھِ نامُ دانُ اسنانُ ۔۔ گرمکھِ لاگے سہجِ دھیانُ ۔۔ گرمکھِ پاوے درگہ مانُ ۔۔ (سدھ گوسٹِ، پنا ۹۴۲)۔ بابا بولنا کیا کہیئ ۔۔ جیسے رام نام روِ رہیئ ۔۔۱۔۔ رہاؤ ۔۔ سنتن سیو بولے اپکاری ۔۔ مورکھ سیو بولے جھکھ ماری ۔۔۲۔۔ بولت بولت بڈھہِ بکارا ۔۔ بنُ بولے کیا کرہِ بیچارا ۔۔۳۔۔ کہُ کبیر چھوچھا گھٹُ بولے ۔۔ بھریا ہوئ سُ کبہُ ن ڈولے ۔۔۴۔۔۱۔۔ (گونڈ بھگت کبیر جی، پنا ۸۷۰)۔ اس تراں گرسکھ دی رہنی، کہنی اتے سہنی دے سمبندھ وچ گربانی نے کئی تھاواں ‘تے انھاں دی نتّ دی دھارنا بارے سنکیت درسائے ہن، جس اپدیش نوں سکھّ مکھ رکھ کے گرو دی آگیا انوسار سدیوی جیون گزاردا ہے۔ سو، میں بھی گربانی توں پریرنا لے کے اس پؤڑی وچ سکھّ دی رہت سمبندھی تچھّ ویچار انکت کیتے ہن کِ سکھّ ہمیشا کی کرے: (۱) (گرو دی آگیا انوسار) سکھّ امرت ویلے جاگے، نام دان تے اشنان نوں درڑھ کرے (بھاو ابھیاس کرے)۔ (1998, 2011 تیجا چھاپ-ایڈیشن)

سمپردائی سٹیک، سنت ہری سنگھ رندھاوے والے دمدمی ٹکسال: گرمکھ پچھل = پچھلی راتی = رات بھاو پہر رات رہندی (امرت ویلے) جاگنا = جاگ کے نام دا جاپ، دان تے اشنان کرے تے اہ سارے نیم ستگورو جی دے دسے ہوئے آپنے جیون وچ درڑائے = پکے کرے۔ (2022)

مٹھا بولنُ نو چلنُ ہتھہُ دے کے بھلا منائے۔

ਮਿਠਾ ਬੋਲਣੁ ਨਿਵ ਚਲਣੁ ਹਥਹੁ ਦੇ ਕੈ ਭਲਾ ਮਨਾਏ।

واراں بھائی گرداس سٹیک، گیانی ہزارا سنگھ اتے بھائی ساہب بھائی ویر سنگھ: ۲. کومل واک بولے، نمری بھوت ہوکے چلے، ہتھوں دے کے بھلا مناوے، (بھاو ہسان نا کرے، لین والے دا ہسان جانے)۔ مٹھا = کومل بچن۔ (1911)

واراں بھائی گرداس جی سٹیک، گیانی ہربنس سنگھ: ۲. مٹھے بچن بولے، نمرتا وچ چلے تے (آپنی کمائی وچوں) ہتھوں دے کے (دان کرکے) بھلا منائے۔ (2004)

واراں بھائی گرداس جی سٹیک، گیانی منی سنگھ: (۲) مٹھا بچن بولے، نمرتا وچ چلے تے (آپنی کمائی وچوں) ہتھوں دے کے (دان کرکے) بھلا منائے۔ (1998, 2011 تیجا چھاپ-ایڈیشن)

سمپردائی سٹیک، سنت ہری سنگھ رندھاوے والے دمدمی ٹکسال: گرمکھ مٹھا بولنُ = بولے، نو = نیویں بھاو نمرتا نال جیون وچ چلنُ = چلے اتے لوڑونداں نوں ہتھہُ = ہتھوں دے کے = کے بھلا مناوے۔ (2022)

تھوڑا سونا کھاونا تھوڑا بولنُ گرمتِ پائے۔

ਥੋੜਾ ਸਵਣਾ ਖਾਵਣਾ ਥੋੜਾ ਬੋਲਨੁ ਗੁਰਮਤਿ ਪਾਏ।

واراں بھائی گرداس سٹیک، گیانی ہزارا سنگھ اتے بھائی ساہب بھائی ویر سنگھ: ۳. سونا، کھانا، بولنا تھوڑا کرے ار گرو دی مت (سکھیا) گرہن کرے۔ گرمتِ = گرسکھیا۔ (1911)

واراں بھائی گرداس جی سٹیک، گیانی ہربنس سنگھ: ۳. تھوڑھا سوویں، تھوڑھا کھائے، تھوڑھا ہی بولے تے گرو دی سکھیا نوں گرہن کرے۔ (2004)

واراں بھائی گرداس جی سٹیک، گیانی منی سنگھ: (۳) تھوڑا سونویں، تھوڑا کھائے، تھوڑا ہی بولے تے گرو دی سکھیا نوں گرہن کرے۔ (1998, 2011 تیجا چھاپ-ایڈیشن)

سمپردائی سٹیک، سنت ہری سنگھ رندھاوے والے دمدمی ٹکسال: گرمکھ تھوڑھا سونا = سونویں، تھوڑھا کھاونا = کھاوے تے تھوڑھا ہی بولنُ = بولے اتے گرمتِ = گرو دی سکھیا نوں پائے بھاو پراپت کرے۔ (2022)

گھالِ کھائ سکرتُ کرے وڈا ہوئ ن آپُ گنائے۔

ਘਾਲਿ ਖਾਇ ਸੁਕ੍ਰਿਤੁ ਕਰੈ ਵਡਾ ਹੋਇ ਨ ਆਪੁ ਗਣਾਏ।

واراں بھائی گرداس سٹیک، گیانی ہزارا سنگھ اتے بھائی ساہب بھائی ویر سنگھ: ۴. کمائی (دساں نوہاں دی کرکے) کھاوے، (‘سکرت کرے’) بھلے کمّ کرے (دسوندھ آدک دان کرے) پر وڈا (دانی) بنک آپنا آپ نا گناوے (اہ یاد رکھے) “تیرا تجھ کؤ سؤپتے کیا لاگے میرا” (س: کبی-۲۰۳) جیکر مالی مالک دے باغ وچوں اک ڈالی مالک نوں دیوے تاں مالی دی کی ہنگ پھٹکنی خرچ ہندی ہے)۔ گھالِ = کمائی۔ (1911)

واراں بھائی گرداس جی سٹیک، گیانی ہربنس سنگھ: ۴. دھرم دی کرت کرکے کھائے، چنگے کمّ کرے تے وڈا ہو کے وی آپنے آپ نوں نا جنائے (بھاو ہؤمے نا کرے)۔ (2004)

واراں بھائی گرداس جی سٹیک، گیانی منی سنگھ: (۴) دھرم دی کرت کرکے کھائے، چنگے کرم کرے تے وڈا ہو کے وی آپنے آپ نوں نا جنائے (بھاو ہؤمے نا کرے)۔ (1998, 2011 تیجا چھاپ-ایڈیشن)

سمپردائی سٹیک، سنت ہری سنگھ رندھاوے والے دمدمی ٹکسال: گرمکھ دساں نہوناں دی گھالِ = کمائی کر کے کھائ = کھاوے، سکرتُ = چنگے کرم کرے = کرے اتے وڈا ہوئ = ہو کے کدے وی آپنا آپ نا گناوے۔ (2022)

سادھ سنگتِ ملِ گاودے راتِ دہے نت چلِ چلِ جائے۔

ਸਾਧ ਸੰਗਤਿ ਮਿਲਿ ਗਾਵਦੇ ਰਾਤਿ ਦਿਹੈ ਨਿਤ ਚਲਿ ਚਲਿ ਜਾਏ।

واراں بھائی گرداس سٹیک، گیانی ہزارا سنگھ اتے بھائی ساہب بھائی ویر سنگھ: ۵. جتھے سادھ سنگت ملکے کتھا کیرتن کرن رات دن نت ترکے جاوے (بھاو رات ہووے تاں آلس کرکے گھراڑے نا مارے)، (اتھے جاکے کی کرے؟)۔ (1911)

واراں بھائی گرداس جی سٹیک، گیانی ہربنس سنگھ: ۵. جتھے سادھ سنگت ہووے، اتھے مل کے کیرتن کرے تے دنے-رات ستسنگ کرن لئی چلّ کے جاوے۔ (2004)

واراں بھائی گرداس جی سٹیک، گیانی منی سنگھ: (۵) جتھے سادھ سنگت ہووے، اتھے مل کے کیرتن کرے تے دنے رات ستسنگت کرن لئی چلّ کے جاوے۔ (1998, 2011 تیجا چھاپ-ایڈیشن)

سمپردائی سٹیک، سنت ہری سنگھ رندھاوے والے دمدمی ٹکسال: گرمکھ سادھسنگت وچ مل کے گرو دے شبد نوں گاودے = گاوے اتے رات دہے = دن، نت = نتاپرتِ سادھسنگت وچ چلّ چلّ کے جائے = جاوے۔ (2022)

سبد سرتِ پرچا کرے ستگر پرچے من پرچائے۔

ਸਬਦ ਸੁਰਤਿ ਪਰਚਾ ਕਰੈ ਸਤਿਗੁਰ ਪਰਚੈ ਮਨ ਪਰਚਾਏ।

واراں بھائی گرداس سٹیک، گیانی ہزارا سنگھ اتے بھائی ساہب بھائی ویر سنگھ: ۶. شبد دی سرت وکھے پریم کرے ار ستگورو (گرو نانک دیو دے) پریم وکھے من نوں پرچاوے’ (پریرے)۔ (1911)

واراں بھائی گرداس جی سٹیک، گیانی ہربنس سنگھ: ۶. شبد وچ پریم نال سرتی نوں لاوے تے ستگورو دے پریم وچ آپنے من نوں پرچاوے۔ (2004)

واراں بھائی گرداس جی سٹیک، گیانی منی سنگھ: (۶) شبد وچ پریم نال سرتی نوں لاوے تے ستگورو دے پریم وچ آپنے من نوں پرچاوے۔ (1998, 2011 تیجا چھاپ-ایڈیشن)

سمپردائی سٹیک، سنت ہری سنگھ رندھاوے والے دمدمی ٹکسال: گرمکھ گرو-شبد وچ سرتِ = چتّ نوں جوڑ کے سادھسنگت نال پریم روپی پرچا کرے = کرے اتے ستگورو جی دے پریم روپی پرچے = پرچے وچ من نوں پرچائے = پرچاوے۔ (2022)

آسا وچِ نراسُ ولائے ۔۔۱۵۔۔

ਆਸਾ ਵਿਚਿ ਨਿਰਾਸੁ ਵਲਾਏ ॥੧੫॥

واراں بھائی گرداس سٹیک، گیانی ہزارا سنگھ اتے بھائی ساہب بھائی ویر سنگھ: ۷. آسا وکھے نراس ہوکے رہے (سادھ سنگت وکھے ددھ، پت، دھن دی آسا نا کرے، کیول گرو نانک جی دا پریم کرکے نشکام بھگتی کرے)۔ ولائے = رہے۔ (1911)

واراں بھائی گرداس جی سٹیک، گیانی ہربنس سنگھ: ۷. آسا وچ نراس ہو کے سماں بتیت کرے ۔۔۱۵۔۔ (2004)

واراں بھائی گرداس جی سٹیک، گیانی منی سنگھ: (۷) آسا وچ نراس ہو کے سماں بتیت کرے ۔۱۵۔ بھاوارتھ: بھائی ساہب گربانی دی پریرنا انوسار ہر گرسکھ نوں پریرنا کردے ہن کِ ہر سکھّ آپنی زندگی نوں بانی وچ درسائے نیم انوسار بتیت کرکے آپنا جیون سفلا کرے۔ (1998, 2011 تیجا چھاپ-ایڈیشن)

سمپردائی سٹیک، سنت ہری سنگھ رندھاوے والے دمدمی ٹکسال: اؤں گرمکھ آسا روپ جگت دے وچ نراسُ = توں رہت ہو کے جیون دا سماں ولائے = بتیت کرے وا: آسا روپ پربھو دے سمرن وچ سنسار توں نراسُ = اپرام ہو کے سماں بتیت کرے۔ جیسا کِ: آسا ماہِ نراسُ ولائے ۔۔ (رامکلی م: ۱، انگ ۸۷۸) (2022)

واراں بھائی گرداس، وار ۲۸, پؤڑی ۱۵: سکھّ دی نتّ کمائی۔

ਵਾਰਾਂ ਭਾਈ ਗੁਰਦਾਸ, ਵਾਰ ੨੮, ਪਉੜੀ ੧੫: ਸਿੱਖ ਦੀ ਨਿੱਤ ਕਮਾਈ।